Author: admin

బీసీలకు 42 శాతం ఇస్తామని గత అసెంబ్లీ ఎన్నికల్లో కాంగ్రెస్​పార్టీ కామరెడ్డి డిక్లరేషన్‌ పేరుతో బీసీలకు హామి ఇచ్చింది. ఈ నేపథ్యంలో ఇటీవల బీసీలకు 42 శాతం రిజర్వేషన్ల అమలు కోసం బిల్లులను అసెంబ్లీలో ఆమోదించి గవర్నర్​కు పంపడం, కేసీఆర్​ హాయాంలో తీసుకువచ్చిన 50 శాతానికి లోబడి రిజర్వేషన్ల చట్టానికి సవరణలు చేసి ఆర్డినెన్స్​చేసి గవర్నర్​కు పంపితే ఆయన రాష్ట్రపతికి పంపడం అక్కడ అవి పెండింగ్ లో ఉండటంతో ఆర్డినెన్స్​ను బిల్లుగా మార్చి తాజాగా అసెంబ్లీలో బిల్లు ఆమోదించి గవర్నర్​కు ప్రభుత్వం పంపింది. ఆ బిల్లు ప్రస్తుతం గవర్నర్​దగ్గర ఉంది. బిల్లు ఆమోదం పొందితే రిజర్వేషన్ల అమలుకు మార్గం సుగమం అవుతుంది. మళ్ళీ బిల్లు పెండింగ్ లో పడితే పార్టీ పరంగా 42 శాతం ఇచ్చేందుకు కాంగ్రెస్​సిద్దమైంది.

బిహార్ లో అనర్హులు, నకిలీ ఓటర్లతో పాటు విదేశీయులను ఓటర్ల జాబితా నుంచి తొలగించేందుకు జరుగుతున్న స్పెషల్ ఇంటెన్సీవ్ రివిజన్ ప్రక్రియపై రాజకీయ పక్షాల్లో తీవ్ర చర్చ జరుగుతున్న వేళ కేంద్ర ఎన్నికల సంఘం కీలక నిర్ణయం తీసుకుంది. ఈ నెల 10వ తేదీన అన్ని రాష్ట్రాలు, కేంద్ర పాలిత ప్రాంతాల ఎన్నికల ప్రధానాధికారులు (సీఈవో)లతో ఈసీ భేటీ కాబోతున్నది. ఇది రెగ్యులర్ మీటింగ్ అని ఈ సమావేశంలో ఎస్ఐఆర్ తో పాటు గత సమావేశాల మాదిరిగానే అన్ని అంశాలపై చర్చించబోతున్నట్లు ఈసీ వర్గాలు వెల్లడించాయి.

ఎస్ఐఆర్ పై కీలక నిర్ణయం!:

ఓట్ చోరీ అంశంలో ప్రతిపక్షాలు ఈసీపై తీవ్ర ఆరోపణలు చేస్తున్నాయి. ఈసీ- బీజేపీ కుమ్మక్కై ఎన్నికల ప్రక్రియను చోరీ చేస్తోందని రాహుల్ గాంధీ నేరుగా ఎటాక్ చేస్తున్నారు. బిహార్ లో ఎస్ఐఆర్ కూడా ఇందులో భాగమేనని వాదిస్తున్నారు. అయితే ఈ ఆరోపణలను ఖండించిన ఈసీ.. బిహార్ లో ఓటరు జాబితా ప్రత్యేక సమగ్ర సవరణ చేపడుతోంది. అయితే ఈ ప్రక్రియను దేశవ్యాప్తంగా అన్ని రాష్ట్రాల్లోనూ చేపట్టాలని గత జూలైలోనే ఈసీ నిర్ణయం తీసుకుంది. తాజా రాజకీయ పరిస్థితుల నేపథ్యంలో ఈ నెల 10వ తేదీన జరగబోయే సమావేశంలో ఈ విషయంలో కీలక నిర్ణయం తీసుకోనున్నట్లు చర్చ జరుగుతోంది.